لما تعيش عمرك وحداني
واللي فات منه تتمني يرجع تاني
ليل ونهار ماشي تتمني اماني
ولا امنيه بتحقق وترجع تاني تعاني
م الوحده بتبكي وتقول ليه يادنيا ظلماني
اصل العمر مش بسنين ولا ايام وليالي
دي بس لحظه من العمر تعيشها لو لثواني
تكون فيها سعيد وتنسي مر الليالي
اللي كنت فيها وحيد وتقول افرح يازماني
هاعيش مع قلب يطبطب واملا الدنيا اغاني
هاحب وافرح ماانا طول عمري عايش وحداني
فجأه من بين كل البشر لقيت قلبه شاور وناداني
همس لي وقال انتي فين طول عمري عليكي بانادي
من ساعة ماشوفتك اتبدل مري واحزاني
وندمت علي عمري اللي عدي وانا عايش وحداني
بكيت بدمع القلب كل قلب يقابلني اناني
فاهم الحب لمسه وحركه وكلام حب واغاني
لكن قلبك من وسط الضلمه شاور وناداني
تعالي نعيش العمر اللي باقي لو حتي ثواني
نحضن فيها القمر والنجمه واودع احزاني
قومت صحيت من نومي لقيتني برضو وحداني
اصل باحلم بالحب كتير في ليلي ونهاري
باحلم بامير لابس ابيض ياخدني علي حصاني
يزف الفرحه ويقولي عيشي ماانتي حلالي
مجرد تهيؤات
بقلمي ساميه ابراهيم
ليست هناك تعليقات:
إرسال تعليق