موجوع … و بس !!
عندي تلال أغاني حزينة
يتيمة على طرقات المدينة
مشدودة على أوتار القهر
مزروعة بعتمات السطر
أي موجوع و عندي دموع
أنا موجوع و عندي دموع
مدري ضعت مدري
مدري ضيعني الرجوع
قالولي هنيك مسجون
خيالك القديم هنيك مدفون
جرب اتنفس من تحت الأرض
ساعدني يا قلب … يا نبض
أنا خربت انتزعت شبعت تعب
كأنك يا عمري لعبة من اللعب
هرم مكعبات … و وراق و صور
و فلتات لسان ع شاهدة حجر
شقد كلفني أكتب حرفي
شو صرخت لأخيط نزفي
بنص الليل سكرت الباب
و تسكر بعده الف باب
هنيك تركت المفتاح معلق
و ضليت أنا فيه معلق
ما لقيت حجة لأرجع
يمكن أنا كان بدي هيك
يمكن أنا كان بدي هيك
عميت ما بقى اسمع
و مشي الدرب فيني
خايف عم يمسحني جبيني
كان العرق عم يوضيني
و يكتب آخر سطور حنيني
يا فجر يا الله أكبر صايح
ودع هل الشب الرايح
نسي قلبه بسلة كراكيب
قال بده يرجع عن قريب
حطوا قلبه مع الدبايح
اضحكوا و قالوا له ما مات
كتار اللي رجعوا بعد الممات
لك سن سكينك و ادبحني
قلب تعبان و ضهره محني
سحبته الأنوار البعيدة
شلفته بنص المكيدة
حب يساوي حاله شاعر
بكي و معه بكى القصيدة
بكي و معه بكى القصيدة
#بقلم_المحامي_أحمد_يمان_قباني
ليست هناك تعليقات:
إرسال تعليق