تحياتي للجميع.....
قصيدة... درنا لمان.....
آآه يا زمان فيك
تقنا درنا لمان
مشينا بتغماض العين
فإدينا درناك گواد
بعتينا والسوم رخيص
فالدلالة طاح الثمن
لمشرى كان ذهب نفيس
ولبيع مبخاس وزربان
فيك إنسان بلا ضمير
لفراح رجعو أحزان
لگدور عامرة بالخير
تدلات فجيوب شي قومان
السما لون زرق حرير
ولغمام يجري غضبان
على ضهرو هموم كثير
ناوي يفضح شي وديان
لبحر من لمواج يغير
الحوت فشباك العديان
حاصل فحبال التصدير
فدينا رشات العگدات
عشنا فسكنى قزدير
ما خط رسامها خطاط
فلقفاص حالنا كيف الطير
تغراد بصوت واحزان
السبع فالغابة رجع غريب
الذيب فيها سارح خرفان
ايا وجهي قمشوك لمشاش
ولكلام فاللسان عواج
ما فهمو لغازك لكثير
الخاطر ما وسى لمجاج
الطر ما وتاه البندير
والخيمة بابها رتاج
25 05 2021
الادريسي محمد
ليست هناك تعليقات:
إرسال تعليق