غريب ومالي عنوان
وكل يوم في مكان
مش حاسس بالأمان
قتلاني الغربه ياامه
محتاج لقرب الأحبه
مر الفراق قاسي
ملعونه ياغربه
مشتاق لأحبابي
والأهل والصحبه
ياما شفت غدر وويل
من ولاد بلدي
ضاعت بينا الحدود
هما سبب كربي
ملهومش يوم أمان
مالفتنه ياربي
يبقوا مع الأغراب
ناويين على حربي
بيطاطي للكفيل
ويبلغوا اسراري
لو محتاجه في يوم
عمره مايقف جنبي
مين اللي يقف معايا
غيرك أنت يابن بلدي
لو جه علينا عيد
باكون أنا وحدي
الغربه يااما مرار
الثانيه ماتعدي
وليل سهرها طويل
وأنتى بعيد عني
ادعيلي ياأمي
أرجع تضميني
تعوضيني الغربه
وشوقي وحنيني
تشفيني مالوجع
وبحبك ترويني
غريب ومالي عنوان
وكل يوم في مكان
(((أسامه جديانه)))
ليست هناك تعليقات:
إرسال تعليق