سلامي لكل الاحباب تحية خالصة
قصيدة...... هذا ما گالوا.......
هذا ما گالوا
أهل النفاق
تجمعو ؤ گالوا
ولسانهم نطق
بكل ما فدخالوا
گالو قصو للطير جناحوا
ما يفدفد
ما يعرف يوصل لصلاحوا
لا رجولة بقات
لا كلمة لا ميثاق
خانو العهد
لي عطاونا ف الاوراق
سمعناهم گالوا
وصوتهم هز الابواق
وصفوا الحال يرثالوا (يرثى له)
بمرحلة انطلاق
ما درو لينا حساب
عندهم ما ساويين والوا
رماونا فطريق
كلو انزلاق
صعيب تمشي فهوالوا
هذا ما گالو
اهل النفاق هذا ما گالو.....
27 09 2021
الادريسي محمد
ليست هناك تعليقات:
إرسال تعليق