تحياتي القلبية لكل الاصدقاء
قصيدة ....مسند خشبة.....
على كتافي
مسند خشبة
رامي بالشوف لهيه
حاضي حيوط من خربة
والظروف لي غ ترميه
لكلام قوافي
كلو جدبة
لسان مسرج
والركوب عليه
مادرتٌو شي نشبه
ولا گلت نتسلا بيه
لو كان جا يصفي
الخاطر بشربة
بدمي انا نسقيه
نطلع لبرْجُو درجة درجة
نکابر حتى نوصل ليه
الموس الحافي
ما يقطع قنبة
لي خلاَّك غ خليه
رجليه ما فاتو عتبة
الريح لي جا يديه
ما شعل عوافي
ما عمر گربة
من طرافي
نقطع ونعطيه
نطلع لو حتى ف العگبة
نزل وحدي ما نخليه
ملي حققت
فديك الشوفة
جبرتها الوان مخطوفة
هذا حمر....... هذا زرق
هذا سميتو ما معروفة
01 10 2021
الادريسي محمد
ليست هناك تعليقات:
إرسال تعليق