قالو في
قالو في شي كلام
وانا اللي كنت نشوفهم
ونرمي عليهم السلام
حلو علي لباق ولفام
وانا اللي كنتوحشهم ملي
نكون خدام
بهضرتهم جابو لي التمام
خلاوني مقلق مضيام
ومالك يا بنادم
شحال مطيار ونمام
ما تبغي بنادم يربح
ولا يزيد القدام
قالو في
قالو في شي كلام
يدخل بين الجلدة
والعظام
وانا بطبعي كنحشم
ما قديت نهضر ولا نتكلم
وبقيت غير نشوف فيهم
ونتمتم
تقاو الله عايشين اليوم
وغذا تحت الردم
ما عمرني تخيلت من عز
الناس نتصدم
قالو في شي كلام
ما يتنسى على الدوام
وخا تمر سنين وعوام
اه عليك يا البشر
شحال من واحد عايش
بيناتنا
وطبعو خاين وغدار
وللخير نكار
واش طرى واشنو صار؟
وعلاش بنادم ما يتلي كلام
العيب؟
ما يوخر العار
وما يتفكر ليك من الخير
ولو نهار
وما حدك عيش مازال
تسمع شحال من خبار
واخبار
طبعي كنوزن الكلام
وندير ليه عبار
قدما بديتي
لازم يكون نهاية
المشوار
وتغادر وتمشي من هاد
الدار
ايوا اشنو ديتي ؟
الا قلتي في كلام العار؟
كلمات... خالد فولان.
ليست هناك تعليقات:
إرسال تعليق