أنا الماضي انا ذكراك
انا اللي دائما ماشي معاك
ولو بتحاول تنساني
انا اللي عمري ما هنساك
أنت اللي سطرت سنيني
وكتبت حروفي بهواك
أنت اللي صنعت أحداثي
وانا مش ممكن اعصاك
أنت اللي نقشت ملامحي
حلوه أو وحشه من جواك
أنا اللي عمري لسه طويل
ولو مت هعيش بعدك
أنت اللي صنعت التواريخ
وأنا ماضيك وتاريخك
مش ممكن تمسح مني حرف
وأنا مش ممكن أسمحلك
لإن دا خارج العرف
وشاهده عليك أو أشهد لك
ولو كاتب حروف منور
جوه القبر راح اكون نورك
ولو كاتبها طعمها مر
هكون علقم ومرار قبرك
حافظ عليا وانا وياك
أنا راح اعيش سنين بعدك
(((أسامه جديانه)))
ليست هناك تعليقات:
إرسال تعليق