ياللي حبك في قلبي
مالوش أبدا حدود
اديتك عمري كله
ودعيت ربي المعبود
تبقالي سند في الكبر
تراعيني وتجود
اشتلتك في حشايا
و وعدت نفسي وعود
أراعيك وأفديك بدمي
لاجل ما يشتد العود
وساعتها تشيل همي
وأتباها بك في الوجود
وأقول خلفت راجل
ما يخلف الوعود
سيبتني يابني في الكبر
وحوجتني للناس
ما لقيتش ليا سند
و الكل عليا داس
ولوعنب الزمن
وسقاني مر الكاس
ليه يابني ليه سيبتني
و عيوني كانوا عليك حراس
مش حاسس انك ظلمتني
ولا قلبك ما في احساس
خايفه أغضب عليك
عمرك ما تشوف خير
ربنا يابني يهديك
ويرشدك للخير
(((أسامه جديانه)))
ليست هناك تعليقات:
إرسال تعليق