قصيدة. ( شوك المحبة)
ملي تحديت ظروفك
كابرت وقديت نشوفك
طرتي فرمشة العين
لوحتي لي بكفوف
ملي قديت نفيق
من رگادي لعميق
زرعتي شوكك وخوفك
زرعتيه فكل طريق
هجرتي وغيابك طال
تسنيت رجوعك محال
تمنيت نكون ليك فالبال
نقطة مشكلة فحروفك
ملي قديت نعيش
وسط هبالك والطيش
تنتف جناحي ريش
تنتف بسباب ظروفك
ملي حاولت ننساك
ونتخلص من ريح هواك
رابت خيمة المحبة
وطاح عش النحل كبة
وطحت انا عسل
بين أهدافك
18 07 2020.
الإدريسي محمد
ليست هناك تعليقات:
إرسال تعليق