حطيت خدي علي وردتي وغمضت عينيه
وقولت لنفسي تعالي نحلم بحياه ورديه
خير اللهم اجعله خير لقيتني عايمه علي وش الميه
في قارب ابيض بتجدف ايدين كلها حنيه
سرحت في الملكوت مااشبه نجمه م السما بتبوص عليه
بتضحكلي وبتقدملي احلي هديه
طبق سلوفان
عليه اسم الرحمن
بيقولي الحب راجع زي زمان
والحياه هتزهزه ونعيش في امان
والناس هتقابل الاساءه بالاحسان
والكل هيصلي ويشكر الرحمن
والام والاب تاج علي رأس الخلان
ونعيش حياه مفيهاش بؤس ولا خذلان
الاخ يحضن اخوه ويعوضه الحرمان
وجارتي بتضحك لي علي وشها التقي بأن
والزوج وزوجته بينهم حبل سري موصول
مكتوب عليه طريق العشاق دا مهول
بس هنمشيه مهما الزمان علينا يطول
يازوجتي يااللي مصبراني مهما نلاقي قلول
هاخدك علي باب الجنه ياحلم عمري المشروع
هامد ايدي واطبطب عليكي لو انتي حلم ممنوع
هاتحدي الدنيا عشانك وحبك في قلبي مطبوع
عشان أنا وانتي أساس الكون وهنتبت القلوع
وعيالنا يكبروا يلاقوا اسمنا منحوت علي الجذوع
خايفه افتح عينيه من الحياه الورديه
الاقي الدنيا بتصارع وتشيل وتحط في
والاقيه مجرد حلم وخواطر امنيه
يارب ياعالم بالحال افضل سارحه
في ملكوتك وعايمه علي وش الميه
مجرد خواطر
بقلمي ساميه ابراهيم
ليست هناك تعليقات:
إرسال تعليق