عام كورونا عام الخير
قالوها بكري لعام الجراد
تنقات لبلاد من شر لعباد
ابنادم تعدا أعلى ملك الغير
وانسا لحدود أفسد فلبلاد
واليوم لازم نعيدو تربية لولاد
إللي تسد ما أبقا صالح
لا جامع لا مدرسة لا مصالح
رسالة واضحة وأخا بالقاصح
ولكن قاصح أحسن من كذاب
جات الوقت نعاودو لحساب
ومايكون احبابي غير الخير
الحمد لله رجعات الفرحة بالعيد
والناس كلها رحبات بالتجديد
كيف لكبير كيف الصغير
قالو عام كورونا عام الخير
قالوها بكري لعام الجراد... 🌷
محمد عبد الرحمان ناسك الرقراق. 🌷
ليست هناك تعليقات:
إرسال تعليق