الحب الحقيقى
كان زمان
بقلم محمدابوالحسن
***********
إلحب مش بالكلام
ولابغمز العين
الحب موّده وإهتمام
وغرام وشوق وحنين
والحب مش كلمه
بنقولها والسلام
ولا رساله من صفحه
أو سطرين
الحب عشق وهيام
ومشاعر صادقه
بين قلبين
والحب مفتاح السعاده
وجنه للموعودين
والحب كان زمان
للشرف عنوان
روح تناجى روح
من غير ألم وجروح
ولاقلب يبات حزين
لكن حب النهارده
كله عالمشاع
وكل شيء مُذاع
لافيه حياء ولاأدب
وشوفنا فيه العجب
نسينا إننا بنأدمين
زى سوق النخاسه
فيه إللى باع وإشترى
وفيه إللى إشترى وباع
صبح كله متاع
وضحايا بالملايبن
الحب الحقيقى إنتهى
خلاص نقوله وداع
وقلوبنا مالهاش دوا
عايشه حياتها ضياع
ياترى إحنا رايحين فين
محمدابوالحسن
ليست هناك تعليقات:
إرسال تعليق