......(أنا إنسان)......
****
أنا إنسان.....
ومن حقي أكون إنسان
ويرجع لي ميزان العدل
وأتمتع وأعيش في أمان
وأشوف النور علي حالته
ودايما في وضوح وبيان
أنا إنسان.....
خليفة ربي في أرضه
أعمرها وأبنيها كمان وكمان
وحملني رسالاته وأماناته
أبلغها وأحميها من النقصان
أنا إنسان.....
وحقي نصيب من الراحة
من اللقمة من الروقان
وأقول الحق مش خايف
وأعرف لي طريق ومكان
أنا إنسان.....
أعيش في دنيا مش غابة
ولا ديابة وسم لسان
ألاقي الدنيا سيعانه
ولمانه بشوق وحنان
أنا إنسان.....
ومش ذنبي أشيل الليلة
عن آدم بفعل شيطان
ما دام الأصل يجمعنا ويربطنا
تعالو نطلب الرحمه من الرحمان
تعالو نروح علي العنوان
أنا إنسااااان.....أنا إنسااااان
****
تحياتي/أحمدالعدل
ليست هناك تعليقات:
إرسال تعليق