قصيدة ( ليك الله اودي )
شفتك تتبسم لناس
قلت فنفسي هدا فرحان
وانت فدخالك نار وقرطاس
خليتني فامرك حيران
تواسي فقلوب الناس
تعزي وغارق أحزان
ليك الله اودي
فليام تعدي
ما شكيتي من
همك ما بكتي
حتى لي فدخالك
بيه مادرتي
راب عليك حيط الأحزان
بين صخورو طليتي
مديتي يديك للعديان
الخير فيهم ظنيتي
جاوبوك بقساوة ليام
على قرش الدرهم
لي ما خبيتي
لاموك على حظك
لي بقدارو ما دريتي
لوكان ساد الحق
ويتساوى الميزان
ترجع الخيل للكاعة
من حربها ترعى وتخدم
وعلى المسكين
يزول الدق
ما تخلعو فزاعة
12 9 2018
توقيع الادريسي محمد
ليست هناك تعليقات:
إرسال تعليق