تحياتي القلبية للجميع
قصيدة ....... مشيت وراك.......
هذا هو انت نِيتْ
لي گلت انا يا بغيت
درتك تِيـــــقة
حياتي بها سخيت
مشموم الورد لي سقيت
بدموعِ ليكْ انا هديت
لشواق رهـــيــفة
بعتيها وانا شريت
مشيت وراك ما مدريت
حملتك بكتافِ ما عييت
فبحور عمــــيقة
مركب ايامي خطيت
ياك الماضي لي نسيت
وكتاب حزاني لي طويت
جراحو قــــوية
دمها سال ما حسيت
مال زهري مالو
مال يومي مظلام
خنجرك ماشفت بحالو
طعنة وصلات لعظام
ظنيتك طير بجناحو
يحلق يدير مزية
يعلي بالخير فرواحو
يرجع فكل عشية
سعى انت نسر براني
مخالبو حدية
يطعن جرحو حراني
ما برات هاذ الكية
هذا هو انت نيت
لي گلت انا يا بغيت
سكنتي عيني ياااااااا
بدمعها انا ما سخيت
18 09 2021
الادريسي محمد
ليست هناك تعليقات:
إرسال تعليق