تحية خالصة للجميع
.........قصيدة....... المغلوب.....
شكون حس بيك آ المغلوب
شكون ينصفك من غير الله
حياتك كي الثلج يذوب
ع الزهر تّبَرِّي ما تلقاه
الدنيا غطاوها لحروب
طاحونة تطحن برحاك
الزمان غادي مزروب
لي زلق طاح على عين گفاه
شحال فينا يجري معطوب
باغي يوصل لسر هواه
الهم كثير والحق مسلوب
ولي مريض ملقاش دواه
بغربال غطينا العيوب
والصبر هشيش من هراه
قهرتونا بالوعود والكذوب
ما جبرتو من حل سواه
كتافكم غطها حرير وثوب
وظهورنا تقسمات بَعْرَاهْ
اللبن لي تسنيناه يروب
شربو زعطوط ما خلاَّه
على قداحنا بقى محسوب
وخا عمرنا ما دقناه
الحيط لي مبني بالطوب
لابد يريب على مولاه
شكون خلا ضو محجوب
شكون علا لقمر فسماه
شكون يغفر لينا الذنوب
شكون يرحمنا .....
من غير الله
13 09 2021 الإثنين
محمد الادريسي
ليست هناك تعليقات:
إرسال تعليق