.......... عمر بن الخطاب .........
صورة وجعت قلبي بالعذاب
كل لما أغمض عيني بالاقيها
حقيقه واقعيه ملهاش جواب
كنت مستحيل زمان تلاقيها
نامت في الشارع مع الكلاب
والناس كمان بتتفرج عليها
والقلوب أستعمرها الخراب
والجفا سرح في أراضيها
ومبقاش كمان فيه أحباب
في دنيا إتلونت حواريها
ناس غلابه ملهمش صحاب
مين اللي خد العهد يراعيها
قفلوا قدامها كل الأبواب
ولا مسئول قام وحس بيها
كل الوعود طلعت سراب
ولا حد كمان حن وسأل فيها
ذنبها في رقبة كل كداب
والحقوق كلها ح ترجع ليها
واه واه من يوم الحساب
اللي ح يعرض كل ماضيها
وفيه كتير ذيها في التراب
والصورة بتنطق بمعانيها
وبعد عهد عمر بن الخطاب
إتكلبشت العداله وغلوا إيديها
......................................
......... حسن الشوان ..........
ليست هناك تعليقات:
إرسال تعليق