لسه فاكره اللي مابينا
كان في بسمه بضي نورنا
بس كان جرح محاصرنا
بين الضلوع دايما شاغلنا
لسه فاكر يوم ميلادك
يومها شغلتيني بودادك
يومها جيت دقيت بابك
قالوا راحت فى المتاهه
قلت فين راح ضياها
لو هسافر ألف ميل
مش هعود غير معاها
هي شاغلني هواها
هو قلبي اللي نداها
ومعايا كام دليل
سهرانا فى حضن ليل
ويا ذكرى يوم جميل
يومها سافرنا للقمر
واضايفنا وكان كريم
والقمر نادى النجوم
ذيلوا عنهم الهموم
فرحوهم قبل مايجي النهار
فرجوهم أجمل مزار
رحنا على شط السما
شط كله ياقوت ولولي
شفت نظرة من عيونها
بتناديلي
شغلك الشط ياخلي
قلت ضيك ياعيوني
اللي شاغلني
وعُدنا قبل النهار
ودار بينا الحوار
وجعلت قلبي مزار
ذكرياتنا فيه آثار
صورتها دائما قلبي
ضياءها ضياء القمر
(((أسامه جديانه)))
ليست هناك تعليقات:
إرسال تعليق