احتاروا فى الفساد
قالوا دا جي منين
قلت التربيه والتعليم
تربيه من الأبوين
ياابني اكذب كذبه بيضه
مش ها تضيع الدين
خليك ياواد فهلوي
وامشي مع الصايعين
يحموك وقت العاركه
ولا حد يبصلك بعين
تبقى فتوه المدرسه
يخاف الكل منك
طلبه ومدرسين
يوم تدخل الامتحان
برشام على الجنبين
وممكن يكتبولك
ماهما مرعوبين
واهو تنجح سنه فى سنه
لسه عن الجامعه سنين
تتعلم السياسه
ودي شغلة الكذابين
وان قابلك يوم مواطن
ديباجه دايما تقولها
في القلب قبل العين
ما تسيبش يوم فرصه
خليك من الهباشين
راح تبقى مليونير
بس أتوصى بالإعلاميين
وكل يوم على الشاشه
بس احفظ كلمتين
يتقالوا في كل قناه
حقوق المواطنين
(((أسامه جديانه)))
ليست هناك تعليقات:
إرسال تعليق