شو بحبك أنا
يا سامعة الصوت ……
ملى الشوق عودي
انده عليك ليلي عودي
خبيت دموعي ناظر تعودي
مل الصبر عيي الكلام
عيونك برد الرضى و شال
مجنون فيك غنى موال
يا ليلي ع الهدا زيد احتمال
خايف يمرق العمر كلام
غيري اسمي شو ما كان
دايب ع البعد تعبان
مهموم مجروح
بكيان مدبوح
حزين الحرف دبلان
غيري حتى يرضى الكلام
حجزت الحنين جنى
مهدود من تعب العنى
عدى الزمن اخد السنى
زيعي اسمي ، مين أنا
قولي بشفافك احلى كلام
سافر قلبي و سرق شهاب
شو قلك هاد الكذاب
شو غنى و شو تمنى
شو بكي لما استنى
و شو استناك ورا الباب
و شو مستني حروف و كلام
دفي دفك نغم و لحن
هزي خصرك حتى أحن
غريب تعبان و عزموه
ع ضفة أصابيعك رموه
خايف يغره عزف اللحن
ينسى من اللحن الكلام
ضمي الريش بغمرة شوق
نورس ضاع بنوه البحر
ضمي الريش قبل شروق
نورس مل شراع القهر
هات منك حبة عسل
ريق و نور بكمشة غزل
و تعي من الوجع دفيانة
يا حسرة قلبي شو بردانه
يا الله شو حلي الكلام
مضموم بخيوط الأسفار
محتاجك و عندي اسرار
لو تجمعنا هل الاقدار
كنت رقصت العمر الباقي
وشوشت الضو الراقي
و غنيتلك همس و كلام
و غنيتلك همس و كلام
#بقلم_المحامي_أحمد_يمان_قباني
ليست هناك تعليقات:
إرسال تعليق