السلام عليكم احبابي في الله
دمتم بخير وصحة وسلامة
قصيدة .... زمان لعجب.....
مشينا فزمان
لعجب مشينا
باحكام المحنة
والذل ارضينا
مشينا ولكثير
فرط فاحلامو
ولحلام ياما
تخلات علينا
تقة معمية
درنا فقدامو
خطوة ف لخوى
مرمية بها ماحسينا
ارقام زايدة
تحسبنا فارقامو
ورقة ضايعة
فصندوقُ ترمينا
وعلاش جا يجري
لينا بسقامو
ولسقام فيها
كبرنا وتربينا
علاش جا يضرب
ويحكم بحكامو
واحكامو والله ما تواتينا
كلينا ما لقينا
بنة فعظامو
بالمعنى الباردة
غسلنا ايدينا
الحيوط الراشية
لي تبنات بقوامو
رابت ع لكتاف
حملها يرشينا
شافو الكسدة
هامدة تحت ركامو
ضنوها صخرة
من الوحل والطينة
عييت ما لوح
ليه ونهز فعلامو
وعييت مانخبي
فجراح الغبينة......
عطى بالظهر
وسلم بسلامو
وطوى الكتاب
الف طية
ساس لغبار
لي ع لكتف
وضرب بگدامو
ومشى فالرمل
مشيت الحية
16 08 2021
الادريسي محمد
ليست هناك تعليقات:
إرسال تعليق