تحية خالصة لجميع الاصدقاء
قصيدة .... النقوش الربعة
يا فرحة من لحزان
حلفات ما تلگاني
حلفات وعطات لامان
بالهم راه واعدني
مشات فطريق الغمة
مشات والسن بسمة
بنات مسكن تمّه
هجرات العش تاني
يا جوعة من شبعة
خلات فهضمي هلعة
دارت فالكسدة طبعة
وزادت من تنْحاليِ
بانو نقوشك الربْعة
من الراسْ ت لگدامي
شبابْ فوجهُ ضبعة
تگول مكيف لكتامي
ناري واش بلاني
بزينك يا الحراني
حتى تهرس لي ضلعة
ونترمى بين الركاني
هذا زمان لعجب
بنادم راه تگلب
الراس خاوي يجدب
التقليد الاعمى للغرب
يا خوفي من ظروفي
لا فيها نحصل
امواجها غرقت جوفي
تحبسْ لَنْفاسْ وتقتل
روفي يا لمحنة روفي
فرشي جناحك للرْحَلْ
غبري على مشقوفي
منك شبع لگلب ؤمل
25 11 2021
الادريسي محمد
ليست هناك تعليقات:
إرسال تعليق