سلامي وتحياتي ....لجميع الاصدقاء..
قصيدة.... هنا واقف.....
ها أنا هـنا واقــف
وسط الكسدة
مسمر واقــــف
حيت انت مني لهيه
السفينة لي
حظها عاصف
محال تزيد
بهاذ لمجادف
صعاب التقداف
لي راك فيه
ها أنا هنا واقِــــف
لعقل شارد ساهي تالف
الاحلام لي كنت عارف
لبسات ليك وجه جديد
طلقات الشعور
طلقات السالف
طلقات البخور
وريح التخارف
دخانها فات لمساقف
يبان من بعيد
ياك ما أنا غشيم
ولا فَهْمِي زايدو فهيم
لحسبة لي حسبوها قديم
اليوم ر حنا فيها بهيم
وعلى ظهورنا
حطو لحجار
ما قالو عيب
ولا قالو عار
12 11 2021
الادريسي محمد
ليست هناك تعليقات:
إرسال تعليق