بتحبينى
............
على سؤالى ياريت تجوبينى
بحبك انتى كمان بتحبينى
ولا أنا موش عالبال
بأى حال يا حبيبتى أعذريني
غصب عنى موش بأيدى
هواكى بيجرى فى وريدى
خدى عمرى لو تريدى
ونار حبك قيدى أكوينى
بتحبينى
مرسال الغرام راح وغاب
ونار الشوق ليله عذاب
بلهفة أستنيت ولا جيت
ورديت على الأمل الباب
الظنون بتسئل عن الأسباب
مايكونش راح ومالقاش حد
ولا معاه جاب الصد
بحر الحيرة جزر ومد
والشوق تعدى حد حنينى
قوليها ريحينى
بتحبينى
نار هواكى شوق وعذاب
من أساكى القلب داب
دبلت ع الشفايف ضحكتى
شكوتى من لوعتى عتاب
لو هواكى بيميل نحيتى
وقلبك لسه فيه حنين
أنتى حياتى وكل دنيتى
وباقى عمرى من السنين
يا نور عينى بقلبك ضمينى
بتحبينى
لو قلبك بغيرى مشغول
عن هوايه وناسى محبتى
فى هواكى عذابى يطول
اناجيكى فى ليل لوعتى
بس تعالى أنت وأسئلينى
أو ردى عليا جوبينى
قوليها حتى لو بتخدعينى
أنا حبيبك وأنتى بتحبينى
بقلم..الشاعر
الأمير _محمود
ليست هناك تعليقات:
إرسال تعليق