كنت فاكر اللي كان بينا انتهى
والسنين طبعت على القلوب
الفرقه والنسيان
أتاري حبنا مكتوب
على جدران الأيام
بين الحواري والدروب
حتى المشيب اللي أتانا
والتجاعيد والشحوب
والضهر بينا انحنى
والذاكره صبحت يدوب
في بعادك تهت في العدد
وبقيت أعد بالمقلوب
الملامح غير الملامح
والصوت مبقاش طروب
دققت فيكي النظر
القلب رق للمحبوب
يازهرة السوسنه
ماقدرت عن حبك أتوب
مهما تاه منا عمرنا
لسه الشباب جوه القلوب
(((أسامه جديانه)))
ليست هناك تعليقات:
إرسال تعليق