تحياتي بالود ودوام الصحة للجميع
قصيدة....... الطمع.....
الطمع طاعون يا خي
يهدم الساس
فين هو قارون ياخي
و قصورُ و ألماس
الدايم الله...وحده القهّارْ
الطمع سوسة يا خي
تسكن لضراس
محبة مغروسة آ خي
نساها كحل الراس
گالو خاوة.... گلنا
ما فيها باس
شعلو لعداوة ياخي
لسانهم قرطاس
فتيل المساوة أ خي
قطعوه بلا مقاس
واش نگول انا
غير الصبر يا مولانا
الخاطر ماليها گانة
ؤ بحر الطمع
يطقع لنفاس
دارو منا دروج
يوصّْلُو.... لهدافهم
داوْ من وحدة جوج
وخباو ..... دهازهم
الطمع طاعون
يهدم الساس
13 01 2020
الادريسي محمد
ليست هناك تعليقات:
إرسال تعليق