أكتب ياقلم المواجع
بكل الخطوط والقوافي
أكتب اللي بيدور
فى كل قلب صافي
من كل اللي بيشوفه
من اللي يوعد مايوفى
أكتب عن زمن جميل
أكتب وزين حروفي
بين ناسي الطيبين
اللي كلامهم شافي
بين إبتسامة عيونهم
من نظره تقولك عوافي
من لمسة إيدين وطبطبه
تنسيني شدة ظروفي
من دعوه فى الصباح
تطمني بعد خوفي
أشهد ياقلم وأحكي
أحلامي وعرفي
اللي بعد عني
من أهلي ومعارفي
دول خافوا من عشمي
في قلب يكون وافي
لكن الحياه بينت
نوع قلبهم جافي
خدوا انشغالهم حجه
لمرضك وأنت عافي
لكن السنين بينت
مين اللي قلبه وفي
ومين اللي قلبه جاحد
واللي انخدع ياقلم
قلبي أنا الصافي
أكتب ياقلم المواجع
بكل الخطوط والقوافي
(((أسامه جديانه)))
ليست هناك تعليقات:
إرسال تعليق