السلام عليكم ورحمة الله
قصيدة........ شوفة لغدر.....
شوفتك محزمة بنية الغدر
واضحة مرسومة ف العين
طيفها يفضح بلا ما تهضر
كلنا ولاد تسعة... من طين
ثوب البسمة فسنك يعتر
وراقها صفرة بخريف حزين
فحق العشرة ناوي تهجر
مسامح في كل ماهو زين
شوفة لغدر على مولاها
تبان مشبوهة فالحين
العيب على من رباها
ما على لي قراها فالعين
سايل دمعي يجري ف الخد
من غدرك ف لمحاين نقاسي
ما قريتي لحساب لحد
ولا راعيتي مرة لأحساسي
الدنيا بحرها راه عميق
يا الراكب سحر مواجو
غير خمم قبل وفيق
لا يصعاب عليك خروجو
نوصيك يا سالك فطريق
لا تيه فحساب دروجو
حسب الخطوات وعيق
قبل من خطوات لعدووو
لغدار شيمته حگار
لي حرتو بالليل
يدكو بالنهار
02 03 2021
محمد الادريسي
ليست هناك تعليقات:
إرسال تعليق