مهما تغيب أو تبعد عني
هاعذرك
وان جه يوم وتيجي تطمني
أنا من قلبي هااقدرك
وان حبيت تيجي وتكلمني
هاأسمعك
لو حبيت بعدها تسمعني
أنا بعيوني أكلمك
مهما عوازلي لاموني
ويقولوا هجرك
مش راح اصدق لو حلفولي
وأصدقك
أنت النبض اللي فى وريدي
بعشقك
همسك بيطيب تنهيدي
وفى خيالي باذكرك
والنسمة الرطبة اللي تعدي
ببعت حنيني معاها إليك
ماتفكرش أبدا فى آلامي
لتجرحك
صورتك بتكحل عيوني
ماأجملك
حبك فى دمي وشراييني
وكل منايا وصالك
فكر دايما فى أحلامي
وكفايه علي اني بحبك
(((أسامه جديانه)))
ليست هناك تعليقات:
إرسال تعليق