لو جينا ننصب محكمة الحياه
هتلاقوا فينا كتير جناه
اللي لاخوه ظلم وعن طريق الحق تاه
واللي اكل مال اليتيم ياعيني ياولداه
واللي عق ابوه وامه عشان مراته
واللي باع ضميره واخرته واشتري حياته
مين ياعيني هاينفعه بعد مماته
هيرد منين المظالم وهي انتهت حياته
واللي اكل لحم اخوه ونسي كل ذكرياته
كان مشاركه في كل حلم من حياته
دا الشيطان اتمكن مننا ودي كانت امنياته
مابال ياعيني احنا عارفين كل حكاياته
ليه نسلم له نفسنا ونسيبه يظلمنا
ومن رحمة ربنا وجنته يحرمنا
دا بعد مايوقعنا في الغلط بغروره بيتهمنا
ان مشينا وراه وعن ذكر ربنا نيمنا
اصحي يابن ادم قبل متقوم القيامه
ساعتها مش هتنفعك النفس اللوامه
اللي سابتك في الدنيا غارق في دوامه
من بحر لبحر ياعيني مش عارف ترسي
دا الدنيا غروره وبغرورها بتخليك تنسي
ذكر ربنا اللي هو ليك شط ومرسي
راجع نفسك يابن ادم وبوص عالنهايه
اللي اخرتها كده مهما طالت الحكايه
احنا جينا الدنيا من غير اي غايه
خلقنا لاجل نعبده ودي كانت البدايه
ادعي ربك يحسن الخاتمه في النهايه
خواطر
بقلمي ساميه ابراهيم
ليست هناك تعليقات:
إرسال تعليق