تصدقوا اصل السعاده
في مصحف وسجاده
واللي مش مصدق ياساده
يرجع لاصل العباده
اهلينا زمان عندهم راحة البال عاده
البركه في العيشه تلاقيها بزياده
الهدوء طبعهم وعظمتهم في السكوت
مايبعدوا عن ربنا ولا يوم فرض يفوت
موحدين بربنا وعارفين ان الحياه اخرتها موت
ودائما واقفين جنب الفقير اللي الزمن هانه
ينصروه مظلوم مهما كان مكانه
ولا يتخلي عن الحق لو هايضحي بروحه وعياله
ولاعمره يوم يتعالي مهما الحظ اعطي له
تعالو شوفوا دلوقتي كل واحد حكيم زمانه
بيفتي في اي شيئ ولا دليل قدامه
ولو عمل معروف الكل يعرف احسانه
والوقاحه اسلوبه ولا فيه غطا علي لسانه
ونسي وعد. ربنا وناره وعقابه
متيجوا نتوب لربنا قبل منتفاجئ بعذابه
دا هو رحمن رحيم مايقفل باب التوبه لعباده
مجرد نصيحه
بقلمي ساميه ابراهيم
ليست هناك تعليقات:
إرسال تعليق