#حلب
لا تشكي ولا تحكي يا بلادي
همك وجع والوجع بزياده
كنتِ وكنا.... كبرت المسافة كتير
من صدرك نسرقنا وبعد بكير
زعلنا يوم رمونا لمرت الأب
ياللي انظلم..... وياللي باع الدرب
واللي بقي عندك نسي أيامه
برد و وجع .... والوغى حرامه
بعرفك غلبانه وكتير مقهورة
شايفة دموعك عم تنزل من الصورة
يا ولي شو اشتقتلك لما كنتِ صبية
لما كنت مكحلة بورودك الجورية
بتذكر كيف كانوا شعراتك السود
وكيف صاروا وتر شايب على عود
صوت ضحكتك... اللي غاروا منها الجيران
واسمك الـكبر على كتاف الزمان
اليوم صار همن يشيلوا عنك حجابك
يغدروا فيك و يشقشقوا تيابك
قومي بقى وهزي من تحتن ترابك
واقطعي ايد كل من مسّك وعابك
لا ترحمي من غدر فيك وكبّرك سنين
وخبريهن عن أحفادك الجايين
خبريهن مهما كبرتِ رح تولدي محبين
بيعرفوا أنه الأرض والعرض غالين
بيعرفوا أنه الأرض والعرض غالين
#الهديل
ليست هناك تعليقات:
إرسال تعليق