سيادة الزوج المحترم تحياتي لمعاليك
طبعا كل همك حقك وناسي اللي عليك
طبعا مفروض عالمدام تكون اخر حلاوه ليك
وسيادتك عادي طبعا ولا فارقه تغسل حتي ايديك
لازم تتزين كمان تلاقيها اجمل ماعندها تعطيك
وترجع تشتكي وتقول دي بقت نكديه
طب اديني حقي وبعدين شوف اللي عليه
حبة حنان حبه اهتمام حبة حنيه
او ورده حتي او شوية رومانسيه
والله ماتغلي عليك روحي ولا حتي عينيه
انا كمان لحم ودم مش كنبه مرميه
عاوز حقك اديني حقي وبعدين اعتب عليه
اقل حاجه بترضيني ولا عاوزه كنوز ولا حتي هديه
الحب دا زرعه علشان يكبر محتاج للميه
سايبني ليل ونهار وعاوزني في اجمل صوره تلاقيني
طب في شرع مين ومين يشيل عني انيني
غسيل وكنس ومسح وولاد والله بيتهد حيلي
هي رسالتي وعلي قلبي سكر بس يبقا تقدير
مش كل حاجه علي راسي والله دا كتييير
البيت مركب لازم شوري وتحديد مصير
لاجل اللي مابينا يكون هادي وشأنه كبير
لازم نتعاون ونشيل عن بعض هتلاقي الخير
يملا البيت والمركب بفضل ربي تمشي وتسير
عارف الرجاله راح يدعوا عليه من قلبهم كتير
بس للعلم فيه ملايكه هترد عني ودا امر خطير🤣🤣🤣🤣🤣
مجرد رساله لكل زوج
بقلمي ساميه ابراهيم
ليست هناك تعليقات:
إرسال تعليق