يلا يابت انتي وهي
اتجمعو كده عندي عالطبليه
عشان اقولكم نصايح هنيه
قال ايه دلعي جوزك وهننيه
تاخدي ياحلوه نن عينيه
اعطيله حب واحساس
تعيشي معاه اسعد الناس
افردي وشك واضحكي
واوعي علي خناقه تتلككي
اوعاكي تكوني نكديه
زي فوزيه البرجوازيه
ياسلام وايه تاني ياهنيه
لسه بابت انتي وهي
والله في بيتك تعيشي متهنيه
بس اسمعي كلام جوزك انتي وهي
هو بس هيطلب ايه يعني غير
هدمه نضيفه فرشه لطيفه لقمه هنيه
طب والنبي غلبان وبيصعب عليه
في ايدك انتي تشكليه
وعلي طبعك تعوديه
متقدريش علي ابنك وتقدري عليه
مفيهاش حاجه راجع من شغله
اجري بسرعه هاتي ميه ودلكي رجليه
لا هاينقص من شانك ولا حد يقولك كده ليه
واللي يقولك قولي جوزي حبيبي غالي عليه وغاليه عليه
يلا سلام مع نصايح هنيه هتعيشي متهنيه
بقلمي ساميه ابراهيم
ليست هناك تعليقات:
إرسال تعليق