قصيده بعنوان سأمحيني يا حبيبتي
بقلم الشاعر محمد سعدون
سامحيني يا حبيبتي سامحيني
حقك علي راسي حقك علي عيني
سيبتك مكنشي بأيدي
خدتني الغربه وسنيني
بحبك وصورتك في قلبي
في الغربه وحدي تواسيني
انتي الدواء لكل الآلام
وأنتي النسمه الي تحييني
انتي الحب وانتي الغرام
وأنتي عشقي وحنيني
مش ممكن انسى عينيكي
ونظرة لعنيكي تكفيني
مهما أبعد و أسافر
مش ممكن أنساكي وتنسيني
ارجع وأقولك حبيبتي
تعالي في حضني ضميني
أزاي يا حبيبتي أنساكي
وتغيبي لحظه عن عيني
أنتي إلى في القلب وحيده
وساكنه في نن عيني
أسالي الشوق إلى جوايا
أسالي الدمع إلى في عيوني
أزاي اقدر أنساكي
وأفوتك وأنتي تفوتيني
أسالي الورد في البساتين
يا روح قلبي وسنيني
مين يا حبيبتي مين
مين غيرك يداويني
بقلم الشاعر محمد سعدون
مصر الجمعه التاريخ 18/9/2020
ليست هناك تعليقات:
إرسال تعليق