عماد افندي ياعيني عليه
بعد ماخلص جامعه شوفوا رجليه
تعبت م اللف علي وظيفه طب يعمل ايه ؟؟؟؟
اصله عايز يتجوز وحبيبته مش صابره عليه
ليل ونهار حكايات جالي عريس وموافقه عليه
طب يامديحه والحب اللي بينا تسميه ايه ؟؟؟
حب ايه ياعماد اصحي وشوف الدنيا جري فيها ايه
معاك جنيه هتساوي جنيه ياسعاة البيه
اصبري يامديحه ووعد عليه اشتغل ليل ونهار
تشتغل فين ياعماد وعلي ايمتي تخلص الشوار
نبدا يامديحه واحده واحده مفيش ادامنا اختيار
لا ياعماد اسفه تعبت من الفقر وطول الانتظار
صدقيني يامديحه بالحب هنبني بينتا وهتلاقي الاستقرار
منين الاستقرار ياعماد والفقر راشق لنا في الدار
ارمي حمولك علي ربك وادعيله بس ليل ونهار
محتاجلك يامديحه لاجل معاكي اكمل المشوار
وانا اختارت طريقي ياعماد ودا اخر قرار
خد دبلتك وياريت تحتفظ بيها تذكار
في نفس المكان يامديحه هافكرك انك اسأتي الاختيار
لا طبعا مش هاندم مادام القرش بقا هو صاحب القرار
في رعاية الله يامديحه واتمني لك حياه كلها استقرار
وتخلفي اولاد وبنات يملو عليكي الدار
بس امانه تسمي ابنك علي اسمي وتفتكريني
ولو ضاقت بيكي الدنيا يامديحه اعرفي انك ظلمتيني
وفي نص الطريق اتخليتي عني وبيعتيني
بس انا هابدا ومش هأيئس وبكره هتضحكلي سنيني
وفي نفس المكان هافكرك يامديحه بس اوعي تنسيني
عماد افندي ماشي كاره حاله
بعد ماخابت كل اماله
كان نفسه مديحه تبقا ام عياله
غادرت بيه واهو قاعد ينعي اللي جري له
ماشي بيشكي سوء حظه في بلده ومحدش بيرد عليه
ام شافه شيخ طيب طالع م المسجد نور ربه عليه
قاله مالك ياابني شايل كل الهم دا ليه
قاله ياعمي خابت كل امالي قولي اعمل ايه
قاله بسرعه تعال عندي بتضيع وقتك ليه
راح ادلك عالصح وطريق تمشي عليه
بس اسمع كلامي ومش هتندم ياسعات البيه
انا رهن اشارتك لو هتقولي اعمل ايه
ماشي هاجرب كام شغلانه والتقيل راح اقولك عليه
ياعيني عليك ياعماد افندي واللي هيجري مين يشهد عليه
اعطي له بودره وبرشام وقاله انطلق ياسعات البيه
في شهر واحد ه هتكون مليونير واللي سابك هتدوس عليه
صرخ باعلي صوته وقاله اتقي ربك والدين اللي احنا عليه
ازاي تتخفي في هيئة شيخ وتقف ادام ربك وتنادي عليه
وانت ليل ونهار بتموت في اخواتنا بس هتستفاد ايه
قاله انت الخسران
طب شوف طريقك فين انا غلطان
وخلي في بالك هتقضي كل حياتك حرمان
وهتقابل مأسي كتير وهموم واحزان
قاله هاكلها بدقه واقابل ربي مش عالعصيان
وهتاخد جزائك مهما يطول بينا الزمان
مشي عماد افندي مش داري بحاله
ليه يابلدي اسيه عليه طب ايه تاني هيجري له
بقلمي ساميه ابراهيم
بقلمي ساميه ابراهيم
ليست هناك تعليقات:
إرسال تعليق