قصيده بعنوان يلي أشتريتك
بقلم الشاعر محمد سعدون
يلي أشتريتك وبعتيني
وأمنتك وأنتي خونتيني
وهبتك عمري و سنيني
وبسيف الغدر طعنتيني
أنا الي حبيتك و عشقتك
وجوه القلب سكنتك
من دون البنات أخترتك
تسكني قلبي وجوه عيني
أنا الي ياما سهرت اليالي
مشغول وديما في بالي
مشغول وأنتي انشغالي
وكنتي النسمه الي تحييني
زرعت الورد والياسمين
ورؤيته بشوق وحنين
سكنتك في نن العين
وكنت بحبك وبتحبيني
نورت الشموع حواليكي
وزرعت الغرام في عنيكي
وقلبي ينادي عليكي
تعالي بالحنان ارويني
لكنك سافرتي بعيد
سبتيني بغرامي وحيد
نار الغرام بتايد
في قلبي وتكويني
بعتي الغرام في ثواني
زودتي همومي وأحزاني
في بعدك أسيت وبعاني
وعليل ومين يداويني
وحياة الحب وأحلامنا
وليالينا وأشواقنا وغرامنا
والقمر إلى نور ليلنا
هسيبك زي ما سبتيني
و لا هاسي ولا هحتار
ومش هبكي ولا هنهار
ولا هستسلم واقول اقدار
ولا هروحلك ولا تجيني
خلاص هبعد وهنساكي
وهمسح كل ذكراكي
كرهت الحب وياكي
يا ريت ما شوفتك وشوفتيني
بقلم الشاعر محمد سعدون
مصر
ليست هناك تعليقات:
إرسال تعليق