إيه اللى بيك ياملاك
كلمات:محمدأبوالحسن
***********
إيه اللى بيك ياملاك
حيرت قلبى معاك
مره ألائيك سعيدفرحان
مرتاح وحاسس بالأمان
ومالى الدنيا هنا وسرور
والنور حواليك داير
مايدور
وسط الحبايب والخلان
وكتير الائيك حزين
شقيان
قافل على نفسك البيبان
والورد اللى كان
حنه فى إيديك
نشف هو كمان على
عوده
وصبح حزين زيك
دبلان
واناشاغل نفسى
وروحى بيك
وكل شيء عليك بيبان
لو مخبى عنى حاجه
قوللى
يمكن تكون زعلان منى
من شيء حصل كده
غصب عنى
أو عزول عكر هواك
قاصد يبعدك عنى
أمانه عليك تطمنى
وبلاش ياروحى تشغلنى
وتسيبنى للحيره وظنى
مش هقولك ماانت
عارف
أد إيه حبك أسرنى
والسعاده بين إيديك
ونظره واحده من عنيك
بتنسينى اللى شوفته
قبل منك
والأيام اللى زمانى فيها
ظلمنى
وحياة العشره اللى بينا
والحب الغالى اللى
جمعنا
مافى شيء فى الدنيا
يفرقنا
ولاتهمد أبدا أشواقنا
وكفايه العمر اللى سرقنا
واللى ضاع من أوقاتنا
خلينا نعوض شيء
م اللى فات
ونكتب أجمل ذكريات
غير اللى كانت كلها
أسوه وآهات
وندوق طعم الفرح مره
وكفايه المُر اللى فات
محمدأبوالحسن
ليست هناك تعليقات:
إرسال تعليق