الأحد، 9 أغسطس 2020

(يا دنيا سبوبة ) للشاعر المبدع أسامة جديانه

 يادنيا سبوبة
فيها الخاسر وفيها الرابح
كم ألف اكذوبة
وحلف اليمين واضح
بضاعه معطوبة
مايعرفها غير الفالح
ارقامها محسوبة
للي وشه كالح
يسرق بألاعيبه
راجل كبير صالح
بيداري فى عيوبه
وكل شهر دابح
والناس فى غيبوبة
تبوس وتصافح
دمكم فى انبوبة
بعد ماكان سابح
أمراض مرعبة
وجروح تتقيح
من أكلة اللحمة
والبركة فى الدابح
بيخف فى الزحمة
من أكلة الرابح
وناس فى المطحنة
مواتير ومراوح
تدعي المسكنة
جواه كلاب تنبح
وناس لها شنه
وبكل اسلوب مازح
تمشي فى كل دفنه
لجل طلب واضح
أصواتكم العفنة
فى أيام المصالح
وناس تقول عنه
فلتحيا الراجل الصالح
ينجح بقيتوا رمه
وطعمكم مالح
واللي لهم مصلحه
دايما للجوخ ماسح
فى القلب كام غصة
من الخداع الفاضح
                              (((أسامه جديانه)))

ليست هناك تعليقات:

إرسال تعليق