تعيشي متهنيه
الف مليون مبروك ياعروسه
يااللي رايحه تبني حياه بالامل مرصوصه
اسمعي كده مني
هاقولك كلمه حكمه من العقل مقصوصه
عمر المال مايسعد صاحبه لو الكنوز مرصوصه
حبي جوزك ودلعيه
ومن العبئ خفي عليه
وكوني دايمن بر الامان ليه
ولا تدوري علي شبكه ولا نيش لزمتهم ايه
وهو شغلك الشاغل ولا يكون تقكيرك غير فيه
يقوم من النوم مش عيب تبوسي ايديه
وبالبسمه الحلوه والامل تصبيحيه
ليه تتكبري انك تجيبي ميه وتغسلي رجليه
والله كده هتبقي ست الستات في عينيه
ولا حد غيرك يملا دنيته لو بلغت من الجمال ايه
وادعيله دايمن ربي يوسع رزقه عليه
ربنا قال ان جنتك بين ايديه
دوري عليها هو يعني هيطلب منك ايه
غير كلمه حلوه وبالحنان دايمن تقابليه
خليكي ناصحه بدل ماواحده تانيه تلف عليه
وهتكون اقل منك في الجمال بس هتعوضه
اللي عندك مش لاقيه
ولا تقولي بابا ولا ماما هو دنيتك ربنا يقدرك عليه
اسمعي مني نصيحه والله الخير في الدنيا راح تلاقيه
وفي الاخره ربنا يرضي عنك لما انتي لجوزك ترضيه
دعوه من قلبي غير السعد والهنا تقومي وتنامي عليه
مجرد خربشات
بقلمي ساميه ابراهيم
ليست هناك تعليقات:
إرسال تعليق