بنت حلوة معدية.....
في الشارع كدة ماشية ف حالها
لابسة ملابس علي الموضة··
ومحدش زيها في جمالها
لقيت واحد وقفها
بكلمة حلوة وغازلها !
وقفت مستغربة جدا
قعد يكلمها ويسالها
قالها ياترى أنتي مخطوبة
عملت مش واخدة بالها
كملت طريقها كدة عادي
قعد يترجاها ويحايلها
وقفت وصرخت فيه جامد
معرفش ايه ال جرالها
شافوه 4 شبان مسكوه
علقة حلوة واكلها !
بعد اسبوع ماشي معدي
صدفة لاقاها وقابلها
بدأ سيناريو جديد خالص
قالها باحترم مشاعرك وكيانك
وعشان اقابلك أنا مستعد··
اكل 100علقة علشانك ..
انذهلت جدا بافعالة
وغيرتة وتمسكة كدة بيها
وقعدت وياه تتكلم
وحست بجد انه شاريها ..
قالها من أول ماشفتك حبيتك
حب لا قبله ولا بعده
ومن كل البنات أنا نقيتك
واتفقت وياه يتقابلو !
قعد كتير مستنيها
ويبص في ساعتة كل شوية
واتوتر كدة علي الاخر··
بص من بعيد لقاها جاية
قالها من أول نظرة أنا حبيتك
وكسبتك من أول جولة
هاتلنا يا جرسون من فضلك
2لمونادة وفراولة ..
قالتلة وبجد كمان أنا حبيتك ❤
ومقدرش أعيش أنا من دونك
خطفت قلبي يخرب بيتك
وبعشق غيرتك وجنونك ❤
#محسن_الريطى
ليست هناك تعليقات:
إرسال تعليق