فينك ....
فينك مني
لما بكون طفل صغير مليان خوف
أو أكون قنبله موقوته ف قلب الجوف
فينك أنت شايفني
والا انا مش موجوده علي مرمي الشوف
فينك لما بقولك
إن أحلامي بتهددني
وإن أنا نفسي ف ماسكه إيدك تيجي تقودني
موجود والا تايه ف ظروف
لو كنت غريقه ياتري راح تيجي تنجيني
لو قلبي ف ضيقه هتاخدني ف حضنك تحميني
فينك ....
أصبحت بشوفك زي الحلم وبندهلك
مع انك قدام عيني خلتني أشتاقلك
أنا قلبي لسه عليك ملهوف
بس أنت خلاص بطلت تشوف
فينك......
بقلم / سماح إبراهيم شلبي
#Samah_Shalaby
ليست هناك تعليقات:
إرسال تعليق